GURO Ka, Hindi GURO Lamang

ni Jesie Maido 

 

Kumusta ang ilang dekadang pakikibaka?

Ilang pangarap na ba ang naitaguyod at naisalba?

Mga pagod na matagal nang humihingi ng pahinga,

Sana ngayon ang pag-asam ay nakamtan na.

 

Pagtuturo - isang propesyon, bokasyon at misyon;

Dito nasusukat ang tibay, pasensya at determinasyon.

Laba’y sinusuong kahit walang ibang proteksyon

Mga kabataan mabigyan lamang ng sapat na edukasyon. 

 

Nagsisilbing tulay sa mga hirayang napagod maghintay,

Tagagabay sa pagtuklas ng panibagong karunungan sa buhay.

Sa kasiyahan at kabiguan sa mga kabataan nagsisilbing karamay,

Walang pag-aalinlangang buhay iaalay makamtan lang rurok ng tagumpay.

 

Papel na ginagampanan sa buhay walang makapapantay

Nagbibigay liwanag sa sa madilim na landas

Nagsisilbing susi sa saradong isipan

GURO ka, hindi GURO lamang.